Wednesday, September 30, 2015

උල්පත්

"හප්පා කාස්ටකේ"

"උල්පත් ටිකත් වේලෙන සයිස්"

"ඒකත් නැතිනම් අපි මියැදිලා බං"

"බලන් හිටහන් ඒකටත් තව වැඩි කලක් නැහැ. ඇවිත් කෙළිනකම් "

"පිස්සුද ඕයි මේ කාන්තාරේ මැද්දේ?"

"තැනක් නොතැනක් නැහැ ඕකුන්ට"

"උඹ කියන්නේ උන් අච්චර සිරා ටවුමක ඉඳලා එනවා මේක අස්සේ . අහවල් මගුලකටද?"

"මොංගල් කම තමා. ඒත් ඒ උන්ගේ හැටිනේ"

"උඹ දන්නවද උන්ගේ සිටි එකට වහින තරම්. පාක්ස් වල ලස්සන ගස් මල් පිරිලා. ගංගාවල් ගලා යනවා. "

"හරි බන් මාත් දැකලා තියෙනවා උන්ගේ සීනරි. ටීවී සිග්නල් වදිනවා අපේ ගෙදරටත් ඉඳලා හිටලා."

"ඉතින් ඒකනේ. උන්ට මේක අපායක් බං. මං හිතන් නැහැ ආණ්ඩුවෙන් ඉඩම් බෙදුවත් ඒවි කියලා"

"එව්වා මං දන්නේ නැහැ හැබැයි කේලමා එවලා ඔත්තු බලනවා"

"ඕක ඔය ඉස්කෝලේ කොල්ලෙක් ප්‍රදර්ශනෙකට හදාපු එකද්ද කොහෙ. හැටි බලපන් අම්බාන ප්‍රාතමිකයි"

"ඔව් සීන් එකනම් ප්රාතමිකයි තමා බ්ලයින්ඩ් ස්පොට් එකට සෙට් වෙලා අපේ කොල්ලෝ කාර් පදිනවා ඒකෙ. හැබැයි උන් ඒක මෙතන දැම්මේ මොකටද?"

"මං කිව්වේ ඉස්කෝලේ කොල්ලෙක් ප්‍රදර්ශනෙකට හදාපු එකක් වෙන්ටෑ "

"එතකොට ගහන ෆොටෝ යවන්නේ උන්ගේ ආච්චිලයි දිහාවේද?"

"ෆොටෝ යවනවා කියලද උඹ කියන්නේ"

"ඔව් අපේ රේඩියෝ බාස් කාරයා කියන හැටියට යවනවා"

"අම්මට හුඩු යවනවා නම් ඔක්කොම පේනවා ඇතිනේ"

"ඒක තමා කියන්නේ"

"හුටා ඒ කියන්නේ උල්පතත්"

"ඔව් උල්පතත්. ඇයි ඒක වීදුරුද?"

"උඹ කියන්නේ උන් දන්නවා අපේ උල්පත් ගැන"

"බොහෝවිට"

"මල කෙළියයි"

"ඒක තමයි කියන්නේ. ඔන්න බලහන් රොත්ත බැඳගෙන ඇවිත් මෙතන හෝටලයක් හදලා දාගන්නවා ටුවරිසම් පාරක්. ඊට පස්සේ හදනවා ගමක් දෙකක් උල්පතේ වතුර ටිකත් අරගෙන. අපිව ගෝත්‍රිකයෝ හැටියට හංවඩු ගහලා එක්කෝ වඳ කරදානවා, නැතිනම් ශිෂ්ටාචාර ගත කරන්න කියලා උන්ගේ කාලකන්නි ලයිෆ් එකට බලෙන්ම හුරු කරනවා. අවුරුදු සීයක් යද්දී මේකත් අමු අපායක්. මරාගන්නවයි තියෙන හැම දේම හූරලා කනවයි හප්පා ලෝක විනාසේ"

"ඒකනම් හරි තමා. නැත්නම් උන්ගේ ලෝකේ මේකට වඩා කොච්චර පට්ටද? අවුරුදු දහදාහක් යද්දී ඒක විනාස කළා. මේකටත් රිංග ගත්තොත් සොරිම තමා"




[අඟහරු රෝවරයේ  පින්තුර  අනුව නාසා ආයතනය අඟහරු  මත  ගලායන  උල්පත්  ජලය ඇති  බව ප්‍රකාශ  කිරීම  නිමිත්තෙනි]